မန္တလေး၊ ဒီဇင်ဘာ ၁၆

 

ငါးရက်ကျော်ကြာပျောက်ဆုံးနေသော မန္တလေးက ကလေးငယ် မောင်ဇွဲဝေယံထွန်းကို ယနေ့ နံနက် ငါးနာရီတွင် သံသယရှိသည့်နေအိမ်ထဲ၌ ရှာဖွေတွေ့ရှိကြောင်း မိသားစုနှင့်နီးစပ်သူတစ်ဦးက ပြောသည်။

 

မန္တလေးမြို့၊ ချမ်းအေးသာဇံမြို့နယ်ရှိ ဘိုးဘွားများအိမ်ရှေ့တွင် ဒီဇင်ဘာ ၁၁ ရက်က ဆော့ကစားနေရင်း ပျောက် ဆုံးသွားခြင်းဖြစ်သည်။

 

"မနက် ၅ နာရီမှာပြန်တွေ့တယ်။ ကျွန်တော်အသေးစိတ်တော့မသိဘူး။ သူတို့တွေအကုန် ရဲစခန်း သွားနေလို့။ ၅ နာရီလောက်က သူတို့သံသယရှိတဲ့အိမ်ကိုဝင်ရှာလိုက်တာတွေ့တယ် " ဟု မိသားစုနှင့် နီးစပ်သူတစ်ဦးက ဆိုသည်။

 

လက်ရှိတွင် ကလေးရှာဖွေတွေ့ရှိမှုကိုအသေးစိတ်မရှိရသေးကြောင်း၊ ကလေးရှာတွေ့ထားသည့်အိမ်ရှိ လူများနှင့် က​လေးမိသားစုဝင်များအားလုံးရဲစခန်းရောက်ရှိနေကြောင်း ၎င်းက ဆိုသည်။

 

"ရဲစခန်းမှ ဘယ်လိုအမှုဖွင့်မလဲ၊ ဘယ်လိုရှိလဲမသိဘူး။ ကလေးရှာတွေ့တဲ့အိမ်ရော၊ ကလေးမိသားစု တွေရောအကုန် ရဲစခန်းသွားကြတယ်" ဟု အဆိုပါ နီးစပ်သူက ပြောသည်။

 

အိမ်ရှေ့တွင် ဆော့ရင်း ကလေးပျောက်ဆုံးသွားသည်ကို မိနစ်ပိုင်းအတွင်းသိပြီး ရှာဖွေသော်လည်း မတွေ့ရှိဘဲ ငါးရက်ကျော်ကြာမှရှာဖွေ‌တွေ့ရှိခြင်း ဖြစ်သည်။

 

" ကလေးက ဆိုင်ရှေ့မှာဆော့နေတာ ဆိုင်ထဲကနေ အဘိုး၊ အဘွားနဲ့လှမ်းစကားပြောတယ်။ လှမ်းခေါ်လိုက်၊ ရေချိုးမယ် ထမင်းစားမယ်ပြောနေရင်း။ ကလေးပြန်ခေါ်သံမကြားရ​တော့ဘူး။ ပြန်ထူးသံမကြားဘူး ၊သွားကြည့်ဦးဆိုတော့မှ မရှိတော့ဘူး ကလေးက။ မိနစ်ပိုင်းအတွင်းသိတယ်။ မိနစ်ပိုင်းအတွင်းသိတာကို ရှာတဲ့အခါမှာမတွေ့တော့ဘူး " ဟု မိသားစုနှင့်နီးစပ်သူတစ်ဦးက ကလေးပျောက်ဆုံးသွားပုံကို ပြန်လည်ပြောပြသည်။

 

ပုံစာ ။ ပျောက်ဆုံးနေသော ကလေးငယ်အား မိသားစုနှင့်အတူ ပြန်တွေ့ရစဉ်။

ဓာတ်ပုံ။ လူမှုကွန်ယက်

 

Burma Associated Press