အဆိုပါ ကျေးရွာသို့ ပြီးခဲ့သည့် နိုဝင်ဘာ ၂၈ ရက်ကတည်းက စစ်သားအင်အား ၂၀၀ ကျော် တက်လာ ခြင်းဖြစ်ပြီး “စတက်လာတဲ့ နေ့တုန်းကလည်း ဂိတ်စခန်းကို မီးရှို့သွားတာ၊ လမ်းမှာ တွေ့သမျှ ပြည်သူတွေကို ဖမ်းဆီးစစ်ဆေးခေါ်ဆောင်သွားတယ်” ဒေသခံတစ်ဦးက ပြောသည်။

 

“လမ်းမှာ တွေ့သမျှလူတွေကို ဖမ်းသွားတာ၊ ဖုန်းမပါတဲ့ လူတွေကို ပြန်လွှတ်ပေးပြီးတော့ ပါတဲ့ လူတွေကို ဆက်ဖမ်းထားတယ်၊ ရိုက်တာ နှက်တာတော့ မကြားရဘူး၊ ကားသမားတွေကိုလည်း ဖမ်းသွားတယ်” ဟု ထိုသူက ပြောသည်။

 

ထို့အပြင် ယနေ့ နံနက် ၉ နာရီအချိန်ခန့်တွင် စစ်ကောင်စီ၏ ဂျက်ဖိုက်တာအချို့ ကော့ကရိတ်မြို့အနီး တဝိုက်တွင် ပျံဝဲနေသည်ဟု သိရသည်။