ဧပြီ ၁၇။

 

ချင်းပြည်နယ်၊ မင်းတပ်မြို့နယ်၊ ပန်းပါကျေးရွာ လေကြောင်းတိုက်ခံရပြီး အသက် ၄ နှစ်အရွယ် ကလေးအပါအဝင် သုံးဦး သေဆုံးခဲ့သည်ဟု CDF-Mindat ထံမှသိရသည်။

 

စစ်ကောင်စီသည် မင်းတပ်မြို့နယ်၊ ပန်းပါရွာကို ဧပြီလ ၁၆ ရက် ညနေတွင် လေကြောင်းမှ ၆ ကြိမ် ဗုံးကြဲတိုက်ခိုက်ခဲ့သည်ဟုဆိုသည်။

 

ထိုတိုက်ခိုက်မှုကြောင့် အသက် ၄ နှစ်အရွယ် ကလေးငယ်တစ်ဦး အပါအဝင် အသက် ၁၇နှစ်နှင့် အသက် ၇၀ အရွယ်အမျိုးသမီး နှစ်ဦး သေဆုံးခဲ့ရသည်။

 

ထို့အပြင် အမျိုးသား၊ အမျိုးသမီး ၅ ဦး ထိခိုက်ဒဏ်ရာရခဲ့ပြီး နေအိမ် ၉ လုံး ပျက်စီးခဲ့ကြောင်းသိရသည်။

 

ပြည်သူတို့၏ အသက်၊ သွေး၊ ချွေး၊ အိုးအိမ်၊ စည်းစိမ်များ ဖျက်ဆီးခံရမှုအတွက် စစ်ကောင်စီ လေတပ်မိသားစုများ ပြန်လည်ပေးဆပ်ရလိမ့်မည်ဟုလည်း CDF-Mindat က အသိပေးထားသည်။

 

ဓာတ်ပုံ - CDF-Mindat