ဧပြီ ၂၇။

 

ကရင်အမျိုးသားအစည်းအရုံး- ကေအဲန်ယူ၊ ခလယ်လွီထူခရိုင်အတွင်းရှိ ဒေသခံသုံးဦး ယမန်နေ့ ဧပြီ ၂၆ ရက်က စစ်ကောင်စီတပ်ဖွဲ့၏ အကြောင်းမဲ့ ဖမ်းဆီးခြင်း ခံရသည်ဟု ကေအဲန်ယူ-ဗဟိုက အသိပေးသည်။

 

ဖမ်းဆီးခံရသူများတွင် အမျိုးသားတစ်ဦးနှင့် အမျိုးသမီး နှစ်ဦးပါဝင်ပြီး မူးမြို့နယ်အတွင်းရှိ ညောင်ပင် သာရဲစခန်းတွင် ဖမ်းဆီးခံရခြင်းဖြစ်သည်ဟု ကေအဲန်ယူက ဆိုသည်။

 

တစ်ရက်တည်းမှာပင် စစ်ကောင်စီတပ်က မူးမြို့နယ်ထဲကို လက်နက်ကြီးများ ရမ်းသမ်း ပစ်ခတ်ခဲ့သည့် အတွက် အရပ်သား သုံးဦး ထိခိုက်ဒဏ်ရာရရှိခဲ့သေးသည်ဟု သိရသည်။

 

ပုံစာ- ဧပြီ ၂၆ ရက်က စစ်ကောင်စီ လက်နက်ကြီးကြောင့် ထိခိုက်ဒဏ်ရာ ရရှိသူတစ်ဦး

 

Burma Associated Press