ဇန်နဝါရီ ၁၈

 

စစ်ကိုင်းတိုင်း၊ ရွှေဘိုခရိုင်၊ ရေဦးမြို့နယ်တွင်းသို့ စစ်ကြောင်းထိုးဝင်ရောက်ခဲ့သော စစ်တပ်က နင်းမိုင်းများ ထောင်ထားခဲ့သဖြင့် ပြည်သူ့ကာကွယ်ရေးတပ်ဖွဲ့ဝင်များက ရှင်းခဲ့​ကြောင်း ယနေ့တွင် အမျိုးသားညီညွတ်ရေး အစိုးရ၊ ကာကွယ်ရေးဝန်ကြီးဌာနက သတင်းထုတ်ပြန်သည်။

 

အဆိုပါ နင်းမိုင်းများဘေးအန္တရာယ်မှ ဒေသခံပြည်သူများ ဘေးကင်းလုံခြုံစေရန် ပြည်သူ့ကာကွယ်ရေး တပ်မတော် (PDF)၊ ရွှေဘိုခရိုင်၊ တပ်ရင်း (၁၄) ရဲဘော်များက မိုင်းရှင်းလင်းရေးလုပ်ငန်းများ ဆောင်ရွက်ပေးခဲ့​ကြောင်း အမျိုးသားညီညွတ်ရေးအစိုးရက ထုတ်ပြန်သည်။

 

စစ်တပ်သည် တော်လှန်ရေးအင်အားစုများကို ထိန်းချုပ်ရန် ဖြတ်လေးဖြတ်စနစ်ကို ဆက်လက်ကျင့်သုံးနေပြီး စစ်ကြောင်းထိုးဝင်ရောက်နေကြောင်းသိရသည်။

 

ပြီးခဲ့သည့် ဇန်နဝါရီလ ၁၆နှင့် ၁၇ရက်များကလည်း စစ်တပ်သည် ရေဦးမြို့နယ်၊ ချမ်းသာကျေးရွာအတွင်း စစ်ကြောင်းထိုးဝင်ရောက်စဉ် နှစ်ပေါင်း (၁၂၉) နှစ်သက်တမ်းကြာ မယ်တော်သခင်မဘုရားကျောင်း အပါအဝင် နေအိမ်များကို လေးကြိမ်မြောက် မီးရှို့ဖျက်ဆီးခဲ့ကြောင်း သိရသည်။

 

Burma Associated Press