ဒီဇင်ဘာ ၃၀

 

Media Top 4 သတင်းဌာနတည်ထောင်သူ ဦးသူရိန်ကျော်ကို စစ်ကောင်စီတရားရုံးက ယနေ့တွင် အလုပ်နှင့် ထောင် ဒဏ် ၁၀ နှစ် ချမှတ်လိုက်ကြောင်း တရားဥပဒေရေးရာကျွမ်းကျင်သူထံမှ သိရသည်။

 

ဦးသူရိန်‌ကျော်သည် ဖမ်းဆီးခံရပြီး ဆယ်လအကြာတွင် အကြမ်းဖက်မှုတိုက်ဖျက်ရေး ဥပဒေပုဒ်မ ၄၉ (က) ဖြင့် အလုပ်နှင့်ထောင်ဒဏ် ၁၀ နှစ်ချမှတ်ခံရခြင်းဖြစ်သည်။

 

ဦးသူရိန်ကျော်သည် အင်းစိန်မြို့နယ်ရှိ နေအိမ်တွင် ၂၀၂၂ ခုနှစ် ဖေဖော်ဝါရီ ၃ ရက်တွင် အဖမ်းခံရခြင်း ဖြစ်သည်။

 

စစ်ကောင်စီသည် အာဏာသိမ်းပြီးနောက်ပိုင်း သတင်းမီဒီယာသမားများကို ပစ်မှတ်ထားဖမ်းဆီးခဲ့ပြီး နှစ်ရှည် ထောင်ဒဏ်များ ချမှတ်ခဲ့သည်။

 

၂၀၂၂ ခုနှစ်အတွင်း ဖမ်းဆီးထိန်းသိမ်းခံရသူ ၃၁ ဦးရှိခဲ့ပြီး ပြစ်ဒဏ်ချမှတ်ခံရသူ ၃၂ ဦး ရှိပြီဖြစ်သည်။

 

Burma Associated Press