မေ ၉။

 

ချင်းပြည်နယ်တွင် ယခုနှစ် မတ်လမှ ဧပြီလအထိ နှစ်လအတွင်း စစ်ကောင်စီ၏ လေကြောင်း တိုက်ခိုက်မှုကြောင့် ပြည်သူ ၂၄ ဦး သေဆုံးကာ ၃၃ ဦး ဒဏ်ရာရရှိခဲ့သည်ဟု ချင်းအမျိုးသား တပ်ဦး-CNFက ထုတ်ပြန်သည်။

 

စစ်ကောင်စီသည် ချင်းပြည်နယ်တွင် နှစ်လအတွင်း လေကြောင်းဖြင့် ဗုံးအလုံးရေ စုစုပေါင်း ၁၂၁ လုံးကျော် ကြဲချခဲ့ပြီး CNA ရဲဘော်နှစ်ဦး ကျဆုံးခဲ့ရသည်ဟုလည်း သိရသည်။

 

အဆိုပါလေကြောင်း ဗုံးကြဲမှုများကြောင့် ခရစ်ယာန်ဘုရားကျောင်း ၄ ဆောင်နှင့် နေအိမ် ၅၀ ကျော် ပျက်စီးခဲ့သည်ဟု CNFက ဆိုသည်။

 

ဓာတ်ပုံ- CDF-Mindat

 

Burma Associated Press